Ուզում եմ, որ Րաֆֆի Հովհաննիսյանը հստակեցում մտցնի այս ամենի մեջ

Ջուրը մտնելուց առաջ գոնե պիտի այդ ջրի բաղադրությունը իմանաս, իսկ ես ոչ միայն բացարձակապես չգիտեմ այդ ջրի բաղադրությունը, այլև պատկերացում էլ չունեմ դրա մասին: Ես չեմ ուզում Րաֆֆուն համեմատեմ ԱԽՔ-ի կամ մեկ այլ ուրիշի հետ, բայց ես բացարձակապես ոչ մի տեղեկություն, ավելին` պատկերացում չունեմ Րաֆֆու ծրագրի մասին: Կներեք, բայց ես չեմ կարող ոմանց նման էս ամենը մեկնաբանել որպես` ուրեմն մի բան ծրագրած ունի, որ սենց քայլեր ա անում կամ մի բան գիտի: Ես ոչ դեմ եմ նրա հանրահավաքներին, ոչ էլ նրա կողմնակիցներին եմ դեմ: Ես ընդամենը ուզում եմ, որ նա հստակեցում մտցնի էս ամենի մեջ: Կներեք, բայց իր կողմից հնչեցվող լիովին վերացական նախադասությունները հենց կոնկրետ ինձ համար բացարձակապես ընկալելի չեն: Եթե ոմանց համար ընկալելի են, ապա ես նրանց հանդեպ էլ բացարձակապես ոչինչ չունեմ ու չեմ էլ կարող ունենալ: