Իրանական IRNA լրատվական գործակալության փոխանցմամբ՝ Իրանի ԱԳՆ-ի ներկայացուցիչ Բահրամ Ղասեմին Թեհրանում լրագրողների հետ զրույցում հայտարարել է, որ Իրանն ու ԵՄ-ը դեկտեմբերին Բրյուսելում անցկացնելու են համապարփակ բանակցությունների նոր փուլ։
Բանակցություններն առնչվելու են տարբեր թեմաների, այդ թվում նաև մարդու իրավունքների հետ կապված խնդիրներին։ Նա ընդգծել է, որ իրանական պատվիրակությունը մասնակցելու է փոխարտգործնախարարների մակարդակով բանակցություններին՝ հավելելով, որ Իրանն ու ԵՄ-ն ունեն քննարկելու համար բազում թեմաներ։
Հունիսին Իրանի արտգործնախարար Մոհամմադ Ջավադ Զարիֆը հայտարարել է, որ Իրանը պատրաստ է մարդու իրավունքների շուրջ Եվրոպայի հետ բանակցություններ սկսելուն։