Լավրովն ու Քերրին քննարկել են Սիրիան ու Իրաքը

21:57 , 24 հոկտեմբեր, 2016

Ռուսաստանի ԱԳ նախարար Սերգեյ Լավրովը ու ԱՄՆ պետքարտուղար Ջոն Քերրին հեռախոսաազրույցի ընթացքում քննարկել են իրավիճակը Սիրիայում:

Լավրովը ուշադրություն է դարձրել այն հանգամանքին, որ «ապօրինի զինված խմբավորումները, որոնք իրենց հսկողության տակ են պահում Հալեպի արեւելյան մասը, սիրիական իշխանությունների կողմից սահմանված հումանիտար ընդմիջմանն ի պատասխան՝ կրակ են բացել քաղաքը լքող բնակիչների վրա ու նոր հարձակումներ կազմակերպել։ Նորից շեշտադրում է արվել, որ ԱՄՆ-ն պետք է կատարի իր պարտավորությունը՝ Վաշինգտոնի ազդեցության տակ գտնվող «չափավոր» ընդդիմության ջոկատներն առանձնացնել ահաբեկչական խմբավորումներից»,- ասվում է ՌԴ ԱԳՆ մամուլի ծառայության հաղորդագրության մեջ։

Կողմերը քննարկել են նաեւ երկկողմանի հարաբերությունների որոշ ասպեկտներ։