Բերանում հալչող խաչապուրի՝ սուլուգունի պանրի միջուկով


09:34 , 24 հոկտեմբեր, 2016

Բաղադրիչներ

  • Խմորի համար՝
  • ալյուր - 1կգ
  • կարագ - 150գր
  • ձու - 1 հատ
  • կաթ - 700մլ + 2ճ/գդ
  • շաքարավազ - 1ճ/գդ
  • խմորիչ - 1 տուփ (11գր)
  • Միջուկի համար՝
  • պանիր սուլուգունի - 1կգ
  • Վրան քսելու համար՝
  • ձու - 1 հատ
  • թթվասեր - ըստ ճաշակի

Պատրաստման եղանակ

  1. Բաղադրիչները նախատեսված են 4 հատ խաչապուրի պատրաստելու համար:
    Խմորիչը բացել ըստ տուփի վրա նշված եղանակի, ավելացնել 1ճ/գդ շաքարավազը և 2ճ/գդ կաթը, խառնել: Ալյուրը լցնել մեծ ամանի մեջ, արանքում փոս բացել, այնտեղ կոտրել 1 ձուն, ապա լցնել խմորիչով զանգվածը, կտրատված կարագը և կաթը: Լավ խառնել և հունցել խմորը այնքան, մինչև որ այն չկպչի ձեռքերին: Պատրաստի խմորը թողնել տաք տեղում 3 ժամ:
  2. Խոշոր քերիչով անցկացնել սուլուգունի պանիրը: Բաժանել պանիրը 4 հավասար մասի՝ 250-ական գրամ:
  3. Խմորից անջատել նրա 1/4-րդ մասը, ապա կլոր բացել 0,5սմ-ից ոչ հաստ շերտով, մեջտեղում դնել պանրի առանձնացված 1-ին մասի 220գր-ը (պանրի և խմորի զանգվածը պետք է լինեն համարյա հավասար):
    xachapuri-3
  4. Այնուհետև կողքերից հավաքել խմորի շերտերը և միացնել իրար այնպես, որ պանիրը մնա խմորի մեջ:
    xachapuri-4
  5. Շրջել խմորը, որպեսզի միացման գիծը հայտնվի տակի հավածում, ապա գրտնակել խմորը բավականին բարակ շերտով:
    xachapuri-5
  6. Խմորի վրա անցքեր անել, որպեսզի եփվելուց օդը դուրս գա, և խաչապուրին չուռչի: 1 հատ ձուն հարել մի քիչ թթվասերի հետ, ապա քսել խմորի վրա:
    xachapuri-6
  7. Խաչապուրիի վրա շաղ տալ մնացած 30գր պանիրը:
    xachapuri-7
  8. Ջեռոցի տապակի վրա մի քիչ ալյուր շաղ տալ, վրան դնել խաչապուրին:
    xachapuri-8
  9. Թխել ջեռոցում 6-7 րոպե 210 աստիճանում:
    xachapuri-9
  10. Նույնը կատարել խմորի և պանրի մնացած մասի հետ՝ պատրաստելով մնացած 3 խաչապուրին:

Սուլուգունի պանրով խաչապուրի պատրաստելու վրացական բաղադրատոմս: Բաղադրիչները նախատեսված են 4 հատ համեղ խաչապուրի ստանալու համար: