«Օդում կախված» ընտրակաշառքները և ՏԻՄ ընտրությունները

Այս տարի մի քանի փուլով տեղի ունեցած տեղական ինքնակառավարման մարմինների ընտրություններում ևս լրահոսում կարելի էր հանդիպել ընտրակաշառք բաժանելու մասին լուրերի, սակայն դրանք շարունակվում են «օդում կախված» մնալ:

Պետք է միաժամանակ արձանագրել, որ այս շրջափուլում դրանց մասին լուրերը գերիշխող չէին, հիմնականում որպես հղում նշվում էին այս կամ այն մարդու զրույցները, ինչը լուրջ հիմք չի կարող հանդիսանալ:
Ընդ որում՝ այս ընտրությունները հետաքրքրական էին նրանով, որ ոչ իշխանական ուժերը ևս միմյանց մեղադրում էին ընտրակաշառքի բաժանման մեջ:

Այնպես որ, այս անգամ ևս, ընտրակաշառքների՝ որպես չարիքի, գոյության մասին կխոսվի, կգնա, իսկ արդյունքները կմնան այնպիսին, ինչպիսին որ կան:
Տպավորություն կա, որ ոչ իշխանական ուժերն էլ դեմ չեն ինչ-որ ձևով՝ ոչ ծրագրային, մոտիվացնելու հանրությանը, ուղղակի ոչ բոլորի ռեսուրսներն են բավարարում համատարած ընտրակաշառքի գնալու համար: