Բրյուսելում հայտնաբերել են երկրի անվտանգությանը սպառնացող մոտ 60 մարդու
20:33 , 29 սեպտեմբեր, 2016.jpg)
Բրյուսելի Մոլենբեկ կոմունայում ոստիկանությունը նույնականացրել է 57 մարդու՝ որպես պետության անվտանգությանը պոտենցիալ սպառնացող անձինք: RIA Novosti-ի հաղորդմամբ՝ այս մասին հայտարարել է Բելգիայի ՆԳՆ ղեկավար Յան Յամբոնը:
«Մենք նույնականացրել ենք պետությանը սպառնացող 57 անձի»,- ասել է նախարարը լրագրողներին՝ հայտնելով, որ անհատները, որոնց մասին խոսք է գնում, հիմնականում Սիրիայից վերադարձած իսլամիստ գրոհայիններ են:
Յամբոնը խոստացել է, որ Բրյուսելի ևս 5 կոմունաներում մոտ ժամանակներս կիրականացվեն արմատականացման, իսլամական ծայրահեղականության և ահաբեկչության դեմ պայքարին ուղղված հատուկ գործողություններ: