Զինյալները Հալեպի մերձակայքում գրավել են փախստականների Հանդարաթ ճամբարի մի մասը
20:30 , 25 սեպտեմբեր, 2016
Ահաբեկիչների զինված ջոկատները նորից գրավել են Հալեպի հյուսիսարևելյան արվարձանում գտնվող պաղեստինցի փախստականների՝ նախօրեին ազատագրված Հանդարաթ ճամբարի մեծ մասը, տեղեկացնում է RIA Novosti-ն՝ հղում անելով «Ալ-Քուդս» խմբավորման ներկայացուցչին:
«Ահաբեկիչները հարձակվել են գիշերով, միանգամից երեք ուղղությամբ՝ նախապես ուժգին կրակ բացելով ականանետներից: Մենք ստիպված եղանք հանձնել ճամբարի մեծ մասը»,- ասել է աղբյուրը:
Հիշեցնենք, որ սիրիական բանակը և «Ալ-Քուդս» խմբավորումը շաբաթ օրը ամբողջովին ազատագրել էին Հանդարաթը: