Եգիպտոսը և Ռուսաստանը պայմանավորվել են հոկտեմբերին ավիաչվերթների փուլային վերականգնման վերաբերյալ

Ռուսաստանի և Եգիպտոսի միջև ավիահաղորդակցությունը կարող է վերականգնվել արդեն հոկտեմբերին, տեղեկացնում է al masry a youm-ը՝ հղում անելով Եգիպտոսի քաղաքացիական ավիացիայի նախարարությանը:

«Կողմերը պայմանավորվել են հոկտեմբերին ավիահաղորդակցության փուլային վերականգնման մասին»,- նշել է աղբյուրը:

Նախ կվերականգնվեն Մոսկվա-Կահիրե չվերթները, որոնք կիրականացվեն Եգիպտոսի մայրաքաղաքի միջազգային օդանավակայանի նոր տերմինալից: Այնուհետև կվերականգնվեն Մոսկվայից դեպի ծովափնյա քաղաքներ չվերթները, դրանից հետո միայն կողմերը կքննարկեն չարթերային չվերթների հարցը: