Պատրաստում ենք կարկադեով, անանուխով և կոճապղպեղով սուֆլե
15:02 , 14 սեպտեմբեր, 2016Բաղադրիչներ
- թեյ կարկադե - 10 գր
- ժելատին - 12 գր (արագ լուծվող)
- ջուր - 200 մլ
- շաքարավազ - 2 ճ/գդ
- անանուխ - 1/2 թ/գդ (չորացրած)
- ծիտրոն - 1/3 թ/գդ (չորացրած)
- կոճապղպեղ (имбирь) - 1 հատ (1.5 սմ երկարությամբ)
Պատրաստման եղանակ
- Կարկադեի վրա սառը ջուր ենք լցնում:
- Ավելացնում ենք շաքարավազը, անանուխը և ծիտրոնը:
Կոճապղպեղը կեղևազատում ենք, բարակ շերտերով կտրատում և լցնում կարկադեի վրա:
- Լավ խառնում ենք և հասցնում եռման աստիճանի, այնուհետև փակ կափարիչով թույլ կրակին 10 րոպե եփում ենք և կրակից վերցնում:
- Ստացված զանգվածը անցկացնում ենք մաղով, այնուհետև ավելացնում ջրում լուծած ժելատինն ու խառնում:
- Այս ամենից հետո զանգվածը հարիչի բարձր արագությամբ 4-5 րոպե հարում ենք:
- Ձևամանի մեջ յուղաթուղթ ենք փռում և բուսայուղ քսում: Զանգվածը լցնում ենք ձևամանի մեջ և 2 ժամով տեղափոխում սառնարան (եթե այդ ընթացքում դեռ չի սառել, ապա ևս մի քանի ժամ թողնում ենք):
Ստացված սուֆլեն փոքր կտորներով կտրատում ենք և մատուցում:
- Համեղ և գեղեցիկ:
Այսպիսի համեղ սուֆլե կարող եք ուտել նույնիսկ նիհարելու ընթացքում, քանի որ շատ թեթև է: