- Մատուցվում է:Անմիջապես
- Նախն. ժամանակ:15 րոպե
- Պատրաստման ժամանակ:20 րոպե
Բաղադրիչներ
- ձու - 2-3 հատ
- աղ - ըստ ճաշակի
- պղպեղ սև - ըստ ճաշակի
- կաթ - 30 մլ (կամ ջուր)
- ծաղկակաղամբ - 500 գր
- ալյուր - 100 գր (մոտավոր հաշվարկով)
- Թթվասերային սոուսի համար՝
- թթվասեր - 250 գր
- սխտոր - ըստ ճաշակի
- սամիթ - ըստ ճաշակի
Պատրաստման եղանակ
- Պատրաստում ենք սոուսը: Ձուն, աղը, պղպեղը, մի քիչ կաթը կամ ջուրը հարում ենք և այնքան ալյուր ավելացնում, որ օլադիների թանձրության խմոր ստանանք: Լավ խառնում ենք, որպեսզի առանց գնդիկների խմոր ստանանք: Սոուսը պետք է մի քիչ աղի լինի, քանի որ ծաղկակաղամբը աղաջրի մեջ չենք եփելու:
- Ծաղկակաղամբի կտորները թաթախում ենք սոուսի մեջ:
- Այնուհետև տապակում ենք բուսայուղապատ տապակի մեջ՝ մինչև ոսկեգույն երանգ ստանանք:
- Պատրաստում ենք թթվասերային սոուսը: Թթվասերը խառնում ենք ճզմած սխտորի և մանր կտրատած սամիթի հետ:
- Ահա և վերջ:
Այսպիսով, պատրաստեցինք շատ համեղ ծաղկակաղամբ , որը պետք է թաթախել թթվասերային սոուսի մեջ և համտեսել