Tert.am-ը գրում է.
Այս գիշեր Իտալիան ցնցած ուժեղ երկրաշարժի զոհերի թվի վերաբերյալ տարբեր տվյալներ են ներկայացվում. ըստ The Daily Mail-ի՝ երկրաշարժի հետևանքով առնվազն 10 մարդ է զոհվել, այդ թվում՝ երկու երեխա: Այլ լրատվամիջոցներհայտնում են 14 զոհի մասին:
Շատերը քնած ժամանակ պարզապես հայտնվել են փլատակների տակ, գրում է The Daily Mail-ը: Փրկարարները որոշ մարդկանց դուրս են բերել փլատակների տակից, սակայն որոշ տեղերում դեռ քարերի տակից լսվում են մարդկային ձայներ:
Երկրաշարժի էպիկենտրոնը եղել է Ումբրիայի Նորչա բնակավայրը: Նշվում է, որ ամենաշատը տուժել են Նորչա, Ամատրիչե, Ակումոլի քաղաքները: Փլուզված կամուրջների և սողանքների հետևանքով որոշ տարածքներ դեռ արգելափակված են մնում:
«Իմ քաղաքն այլևս չկա»,- այս առավոտյան լրատվամիջոցներին ասել է Ակումոլիի քաղաքապետ Ստեֆանո Պետրուչին:
Ամբողջական հոդվածը կարող եք կարդալ այստեղ