Ղազախստանն ու Իսրայելը համատեղ անօդաչուներ կարտադրեն

Ղազախստանն ու Իսրայելը համաձայնության են հասել անօդաչու թռչող սարքերի համատեղ արտադրության շուրջ։ Այս մասին հայտնում է Ղազախստանի ՊՆ-ն՝ փոխանցում է Trend գործակալությունը։

Հաղորդագրությունում չի բացահայտվում անօդաչուների մոդելները, որոնք Ղազախստանն ու Իսրայելը ծրագրում են արտադրել։

Համաձայնագրերը ձեռք են բերվել Թել-Ավիվում Ղազախստանի և Իսրայելի պաշտպանության նախարարներ Իմանգալի Տասմագամբետովի և Ավիգդոր Լիբերմանի հանդիպման ժամանակ։

Ըստ համաձայնագրերի՝ անօդաչուները կարտադրվեն Ղազախստանում՝ իսրայելական տեխնոլոգիայի հիման վրա։