- Մատուցվում է:Անմիջապես
- Նախն. ժամանակ:25 րոպե
- Պատրաստման ժամանակ:40-50 րոպե
Բաղադրիչներ
- կարտոֆիլ - 2 հատ (խոշոր)
- Լցոնի համար՝
- կաթնաշոռ - 200 գր (կամ ռիկոտա )
- սխտոր - 2 պճեղ
- սամիթ - 3-4 ճյուղ
- լոլիկ - 5–6 հատ (կամ չերրի)
- ձիթայուղ - 2 ճ/գդ
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Լվացած, չորացրած կարտոֆիլի վրա ձիթայուղ ենք քսում և վերևի մասում խաչաձև խոր կտրվածք անում: Նրբաթիթեղով փաթաթում ենք, դնում 220 աստիճան տաքացրած ջեռոցի մեջ ու եփում 40-50 րոպե:
Պատրաստում ենք լցոնը: Սամիթը, սխտորը, լոլիկները մանր կտրատում ենք (եթե չերրի լոլիկ ենք վերցրել, ապա պետք է պարզապես կիսել): Խառնում ենք կաթնաշոռի, աղի ու պղպեղի հետ և ստանում համասեռ զանգված:
Տաք կարտոֆիլը բացում ենք, վերևում արված բացվածքի մեջ լցնում կաթնաշոռային զանգվածն ու ևս 10 րոպեով դնում ջեռոցը: Ջեռոցից հանում ենք և յուրաքանչյուր կարտոֆիլի վրա 1 ճ/գդ ձիթայուղ լցնում:
- Բարի ախորժակ:
Կաթնաշոռային միջուկով լցոնված կարտոֆիլ կարելի է պատրաստել ընթրիքի համար, քանի որ այն շատ համեղ է և արագ է պատրաստվում