Շոկոլադե աղանդեր թխվածքաբլիթով
18:20 , 15 օգոստոս, 2016Բաղադրիչներ
- թխվածքաբլիթ - 400 գր («հոբելյանական» կամ այլ թխվածքաբլիթ)
- կարագ - 200 գր
- խտացրած կաթ եփված - 1 տուփ
- կոնյակ - 100 մլ (ռոմ կամ այլ խմիչք)
- կակաո - 3 ճ/գդ
- շոկոլադ սև - ըստ ճաշակի (կամ կակաո)
Պատրաստման եղանակ
- Թխվածքաբլիթը բլենդերով մանրացնում ենք՝ ստանալով ավազանման զանգված:
- Սենյակային ջերմաստիճանի կարագը և խտացրած կաթը հարում ենք, ավելացնում կոնյակ, կակաո, աստիճանաբար՝ նաև մանրացրած թխվածքաբլիթը: Լավ խառնում ենք և 2 ժամով դնում սառցախցիկ, որպեսզի զանգվածը կայունանա:
- Եվ այսպես, զանգվածը կայունացել է, արդեն կարելի է գնդիկներ ձևավորել: Գնդիկները ձևավորում ենք և թաթախում կակաոյի կամ հալեցրած շոկոլադի մեջ:
- Նորից դնում ենք սառնարանի մեջ և մի քանի ժամից վայելում:
Շատերի կողմից սիրված թխվածքաբլիթով աղանդերը կարող եք վայելել մտերիմների հետ՝ սուրճի սեղանի շուրջը նստած: