Ղազախստանում կփակվեն գյուլենական դպրոցները. «Թուրքիայի թշնամին նաև մեզ է թշնամի»
10:21 , 6 օգոստոս, 2016
Օգոստոսի 5-ին պաշտոնական այցով Թուրքիա է ժամանել Ղազախստանի Նախագահ Նուրսուլթան Նազարբաևը: Այս մասին հայտնում է թուրքական Անադոլու լրատվական գործակալությունը: Թուրքիայի նախագահ Ռեջեփ Թայիփ Էրդողանի հետ քննարկվել են երկկողմ հարաբերությունների զարգացման վերաբերյալ մի շարք հարցեր:
Հանդիպման առանցքային քննարկման հարցերից է եղել հուլիսի 15-ին Թուրքիայում ռազմական հեղաշրջման ձախողված փորձը և «պետական այդ դավաճանության մեջ գյուլենականների (FETÖ) մեծ դերը»:
Ղազախստանի նախագահի խոսքերով` կփակվեն երկրում գործող 33 գյուլենական դպրոցները: «Թուրքիայի թշնամին նաև մեզ է թշնամի»,-ասել է Նազարբաևը: