Բանջարեղենային պիցցա
18:07 , 1 օգոստոս, 2016Բաղադրիչներ
- Խմորի համար՝
- ալյուր - մինչև 500գր
- ձու - 2 հատ
- ջուր - 1,5 բաժակ
- ձիթայուղ - 3ճ/գդ
- խմորիչ - 5գր
- աղ - 1 պտղունց
- շաքարավազ - 1 պտղունց
- Միջուկի համար՝
- լոլիկ - 4 հատ
- սմբուկ - 2 հատ
- դդմիկ - 2 հատ
- տաքդեղ - 2 հատ
- պանիր - 300գր
- Սոուսի համար՝
- թթվասեր - 100գր
- ձիթայուղ - 1ճ/գդ
- քրքում - 1թ/գդ
- աղ - 1 պտղունց
Պատրաստման եղանակ
- Խմորը պատրաստելու համար խառնել աղը, շաքարավազը, ձուն, խմորիչը, ձիթայուղը և ջուրը, ապա սկսել մաս առ մաս ավելացնել ալյուրը մինչև որ խմորը այլևս չկպչի ձեռքերին: Կլորացնելով խմորը վերածել գնդի, դնել ամանի մեջ և ծածկել սրբիչով: Թողնել այդպես 45-60րոպե: Պատրաստի խմորը փռել ջեռոցի տապակի վրա և եփել ջեռոցում 15-20րոպե 180աստիճանում:
- Սոուսի պատրաստման համար խառնել բոլոր բաղադրիչները, ապա տեղափոխել կրակի վրա և եփել 2-3րոպե: Սոուսը պիցցայի վրա լցնելու ժամանակ պետք է տաք լինի, այնպես որ սառչելու դեպքում հարկավոր կլինի նրան կրկին տաքացնել մի քիչ:
- Սմբուկը և դդմիկը կտրատել խորանարդիկնորեվ, տաքդեղը՝ ձողիկներով, իսկ լոլիկը՝ շրջաններով: Թավայի մեջ առանձին տապակել կտրատված սմբուկը և դդմիկը քիչ ձիթայուղով:
- Խմորը հանել ջեռոցից, վրան քսել մի քիչ սոուս, ապա շարել տապակված սմբուկն ու դդմիկը, կտրատված տաքդեղը, վրան լցնել սոուսի կեսը:
- Տեղափոխել ջեռոց եփվելու 5-7րոպե 180աստիճանում, ապա հանել ջեռոցից, վրան շարել լոլիկները:
- Այնուհետև շաղ տալ քերած պանիրը, լցնել սոուսի մնացած մասը:
- Կրկին տեղափոխել ջեռոց վերջնական եփվելու 5րոպե 180աստիճանում:
Ի դեպ, եթե որոշել եք կազմակերպել պիցցա-փարթի, իսկ ձեր ընկերների մեջ կան նաև բուսակերներ, ապա այս բանջարեղենային պիցցան հենց նրանց համար է: