Պեսկովը հաստատել է օգոստոսի 9-ին Պուտինի և Էրդողանի հանդիպման փաստը
16:00 , 26 հուլիս, 2016
168.am-ը գրում է.
Թուրքիայի նախագահ Ռեջեփ Էրդողանի և ՌԴ նախագահ Վլադիմիր Պուտինի հանդիպումը կկայանա օգոստոսի 9-ին Սանկտ Պետերբուրգում: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
«Այդ այցը կկայանա օգոստոսի 9-ին, և հանդիպումը տեղի կունենա Սանկտ Պետերբուրգում, ինչպես մենք ակնկալում ենք»,- ասել է Պեսկովը, ում խոսքերը մեջբերում է RIA Novosti-ն:
Նա հավելել է, որ Սանկտ Պետերբուրգը եղել է տարբերակներից մեկը, և Թուրքիայի նախագահը համաձայնել է: