Կարմրաթուշիկ ու հագեցնող այս կարկանդակները Ձեզ անպայման դուր կգան
09:27 , 26 հուլիս, 2016
Բաղադրիչներ
պանիր - 250 գր
խոզապուխտ - 200 գր
ձու - 2 հատ
պատրաստի շերտավոր խմոր - 500 գր
սոխ կանաչ - 1 կապ
Պատրաստման եղանակ
Սոխը մանր կտրատում ենք։ Պանիրը անցկացնում ենք քերիչով, խոզապուխտը` մանր կտրատում։ Սոխը, պանիրը, խոզապուխտը և 1 հատ ձուն ամանի մեջ խառնում ենք։
Խմորը գրտնակում ենք և ուղղանկյունաձև կտրատում` 6x12 չափի ։ Ուղղանկյունաձև կտրած խմորի մի կեսի վրա լցնում ենք 1-ական գդալ միջուկ։
Եզրերը ջուր ենք քսում և երկրորդ կեսով ծածկում։ Եզրերը մի քիչ սեղմում ենք և կպցնում։ Մյուս ձուն հարում ենք։ Կարկանդակները ձվով պատում ենք և 25 րոպե թխում մինչև 190 աստիճան տաքացրած ջեռոցում։
Բարի ախորժակ։
Եթե ձեռքի տակ նշված բաղադրիչները չկան, կարող ենք պատրաստել շերտավոր խմորով կարկանդակ, բայց կարտոֆիլով կամ ձեռքի տակ եղած ցանկացած մթերքով` ըստ ճաշակի: