«Յունայթեդ»-ը 9 համարը հատկացրել է Իբրահիմովիչին առանց Մարտիալի համաձայնության
11:20 , 24 հուլիս, 2016
Ինչպես արդեն հայտնել ենք, «Մանչեսթեր Յունայթեդ»-ը հայտարարել է ֆուտբոլիստների խաղային նախնական համարները առաջիկա մրցաշրջանի համար:
«Կարմիր սատանաներ»-ի նորեկ, շվեդ հարձակվող Զլատան Իբրահիմովիչը վերցրել է 9 համարը, որը նախկինում պատկանում էր Անտոնի Մարտիալին: Ֆրանսիացուն բաժին է հասել 11 համարը:
RMC Sport-ի փոխանցմամբ` «Մանչեսթեր Յունայթեդ»-ի ղեկավարությունն Իբրահիմովիչին թույլ է տվել վերցնել 9 համարն առանց Մարտիալի համաձայնության: Ֆրանսիացին դժգոհ է նման վերաբերմունքից:
Հավելենք, որ 11 համարի ներքո հանդես էր գալիս Ադնան Յանուզայը, ով այժմ կրելու է 15 համարի մարզաշապիկը: