Կարկանդակ Ծաղիկ
09:10 , 9 հուլիս, 2016Բաղադրիչներ
- Խմորի համար՝
- կաթ - 200մլ
- ձու - 1 հատ
- կարագ - 75գր
- խմորիչ - 1թ/գդ
- աղ - 1ճ/գդ
- շաքարավազ - 1ճ/գդ
- ալյուր - 1կգ (ինչքան կվերցնի խմորը)
- Ինչպես նաև՝
- խոզապուխտ - 300գր (պետք է լինի շատ բարակ կտրատված)
- ձվի դեղնուց - 1 հատ
- քունջութ - 1ճ/գդ
Պատրաստման եղանակ
- Կաթը թեթևակի տաքացնել, հանել կրակի վրայից, ապա լուծել նրա մեջ խմորիչը: Խառնել խմորի համար նախատեսված բոլոր բաղադրիչները և խմոր հունցել: Թողնել խմորը հանգստանա 1 ժամ տաք տեղում, որպեսզի բարձրանա:
- Պատրաստի խմորը բարակ բացել, ապա կտրատել խոզապուխտի տրամագծով շրջանակներ: Վերցնել կտրատված 2 շրջանակ, դրանց արանքում տեղադրել խոզապուխտը:
- Ստացված շրջանակին տալ ծաղիկի տեսք՝ բաժանելով այն 8 հավասար մասի, իսկ մեջտեղի մասը թողնելով ամբողջական: "Ծաղիկի" ամեն թերթիկը ուղղահայաց ծալել, որպեսզի խոզապուխտը ուղղահայաց դիրք ընդունի: Այնուհետև ներքևի մասում իրար միացնել 2-ական թերթիկ (ինչպես ցույց է տրված նկարում): Նույնը կատարել խմորի մյուս շրջանակների հետ:
- Պատրաստի ծաղիկների վրա հարված դեղնուց քսել, մեջտեղի մասում քունջութ շաղ տալ, ապա տեղադրել ջեռոց և թխել 15-20րոպե 180աստիճանում:
Ծաղիկ կարկանդակը ցանկալի է ճաշակել անմիջապես պատրաստելուց հետո: Այդ ժամանակ կարկանդակներն իսկապես հալչում են բերանում: