Եգիպտական ինքնաթիռի սև արկղը սրահում ծուխ է արձանագրել ինքնաթիռի անհետացումից առաջ

Առաջին տվյալները, որոնք ստացվել են EgyptAir ավիաընկերության՝ Միջերկրական ծովում կործանված ինքնաթիռի սև արկղից, հաստատել են օդանավի սրահում դրա անհետացումից առաջ ծխի առկայության մասին տեղեկությունը։ Այս մասին հայտնում է Reuters գործակալությունը՝ հղում անելով ավիավթարի հանգամանքները հետաքննող հանձնաժողվի տվյալներին։

Նախնական տվյալնրով՝ ծխարձակում է գրանցվել զուգարանում և ռադիոէլեկտրոնային սարքավորումների բաժնում։ Բացի այդ, բեկորների փորձաքննությունը ցույց է տվել օդանավի սրահում ջերմաստիճանի կտրուկ աճ:

Երկրորդ ինքնագրիչը, որը ֆիքսել է օդաչուների խոսակցությունները, դեռևս վերականգնված չէ։