ԵԱՀԿ գործող նախագահն այսօր կայցելի Հայաստան
10:20 , 29 հունիս, 2016
Հունիսի 29-30-ը ԱԳ նախարար Էդվարդ Նալբանդյանի հրավերով Հայաստան այց կկատարի Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտայնմայերը:
Գերմանիայի արտգործնախարարին կընդունի Հանրապետության Նախագահը։
ԱԳՆ մամուլի և տեղեկատվության վարչության փոխանցմամբայսօր կկայանան Հայաստանի և Գերմանիայի արտաքին գործերի նախարարների բանակցությունները, որից հետո Էդվարդ Նալբանդյանն ու Ֆրանկ-Վալտեր Շտայնմայերը հանդես կգան համատեղ մամլո ասուլիսով։