Թուրքիայի վարչապետ Բինալի Յըլդըրըմը հայտարարել է, որ Ստամբուլի Աթաթուրքի միջազգային օդանավակայանը վերսկսել է աշխատանքն ահաբեկչությունից հետո՝ հայտնում է Daily Sabah-ը։
Հունիսի 28-ի երեկոյան պայթյունների շարք էր որոտացել օդանավակայանի միջազգային տերմինալում։ Իշխանությունների վերջին տվյալներով՝ զոհվել է 36 մարդ, ևս 147-ը վիրավորվել են։
Հարձակման պատասխանատվությունը առայժմ ոչ մի ահաբեկչական կազմակերպություն չի ստանձնել։