Tert.am-ը գրում է.
«Լուսավոր Հայաստան» կուսակցության խորհրդի անդամ Մանե Թանդիլյանն այսօր մամուլի ասուլիսին անդրադարձավ հարկային օրենսգրքի նախագծին: Նա նկատեց, որ նախագիծը բավականին լայնածավալ է ու ուսումնասիրելու համար երկար ժամանակ է պետք և անթույլատրելի համարեց արտահերթ ռեժիմով այն քննարկել ԱԺ-ում:
Մանե Թանդիլյանն ասաց, որ հարկային օրենսգրքի նախագիծն այն քիչ նախագծերից է, որ կարծես քննադատում են բոլորը, սակայն մեծամասնությունը կողմ է քվեարկում:
«Եթե այդքան վտանգավոր և խնդրահարույց է օրենսգրքի նախագիծը, ապա չի կարելի այսպիսի անպատասխանատու վերաբերմունք ցուցաբերել օրենսդրին»,- ասաց նա և նշեց, որ այսպիսի նախագիծ ներկայացնելով «նսեմացվում է օրենսդիր մարմնի գործունեությունը»:
Ամբողջական հոդվածը կարող եք կարդալ այստեղ