Apple-ը սկսում է էլեկտրական մեքենաների լիցքավորման կայանների մշակմամբ զբաղվել
00:11 , 27 մայիս, 2016
Tert.am-ը գրում է.Apple ընկերությունը սկսում է էլեկտրամեքենաների վերալիցքավորման հնարավոր տարբերակներ ուսումնասիրել: Էլեկտրոնային սարքավորումների ամերիկյան արտադրողը բանակցություններ է վարում նման «լիցքավորման» սարքավորումներ մշակող ընկերությունների հետ:
Ինչպես տեղեկացնում է Motor.ru-ն,վկայակոչելով իրադարձություններին իրազեկ աղբյուրները, այս մասին լուրերը հերթական անգամ բացահայտում են սեփական էլեկտրամեքենա թողարկելու Apple-ի ցանկությունը: Դեռևս պարզ չէ` ամերիկյան տեխնոլոգիական հսկան սեփական չափանիշներով է մտադիր լիցքավորման կայաններ մշակել, թե ցանկանում է համագործակցել այլ ընկերությունների հետ:
Նախնական տեղեկությունների համաձայն` էլեկտրամեքենայի նախագծելու համար Apple-ը Բեռլինում «գաղտնի լաբորատորիա» է բացել, որտեղ ներկա պահին 20 մարդ է աշխատում: Ենթադրվում է, որ Apple-ը էլեկտրամեքենաների շուկայում կհայտնվի 2020-ին: