«Հրապարակ». Հնարավոր է, որ թուրքական ապրանքների մաքսատուրքերն ավելացվեն

«Հրապարակ» օրաթերթը գրում է.

«Էկոնոմիկայի նախարարությունում քննարկվում է թուրքական ապրանքների մուտքը Հայաստան բարդացնելու հարցը։ Խնդրո առարկան հատկապես սննդամթերքն է, որի ներմուծումը մի քանի խնդիր է առաջացնում, գլխավորը՝ առողջական։ Մասնագետները բազմիցս ահագանգել են թուրքական մթերքների վտանգի մասին, ապա նաև՝ էժան ապրանքը ոչ մրցունակ է դարձնում տեղական արտադրանքը, օրինակ՝ լոլիկը։ Ըստ այդմ՝ հնարավոր է, որ թուրքական ապրանքների մաքսատուրքերն ավելացվեն, քննարկվում է՝ հասկանալու համար, թե դա ինչ դրական և բացասական ազդեցություն կունենա տնտեսության վրա։ Մինչև անգամ առաջարկներ են հնչել արգելել որոշ ապրանքատեսակների մուտքը Հայաստան»,–գրում է թերթը։