Tert.am-ը գրում է.
Ճապոնիայի գրասենյակային աշխատակիցներին և պետական ծառայողներին երկուշաբթի օրվանից թույլ է տրվում աշխատանքի գնալ առանց փողկապների և պիջակների՝ cool biz էկոլոգիական արշավի մեկնարկի առնչությամբ, գրում է ТАСС-ը։
Cool biz (cool business-ի կարճ տարբերակը) թեթևացված հագուստի ներդրման համազգային արշավն անց է կացվում երկրում 2005 թվականից։ Դրա նպատակն է պայքարել ջերմոցային էֆեկտի դեմ՝ օդակարգավորման սարքերի ծանրաբեռնվածության հաշվին, որոնք սովորաբար աշխատեցնում են 28 աստիճանի ռեժիմով: Այդ նպատակի համար աշխատակիցներին թույլ է տրվում աշխատանքի գալ ավելի թեթև հագուստով:
2011 թվականից արշավն անց է կացվում մայիսի 1-ից մինչև հոկտեմբերի 31-ը, այս տարի, սակայն, որոշվել է այն ավարտել սեպտեմբերի վերջին։