Տորթ կաթնաշոռային և սերուցքային կրեմով
20:40 , 1 մայիս, 2016Բաղադրիչներ
- Խմորի համար՝
- ձու - 6 հատ
- շաքարավազ - 1 բաժակ
- ալյուր - 1 բաժակ
- Օշարակի համար՝
- օշարակ մրգային - 50 մլ (խաղողի մուրաբայի)
- ջուր - 50 մլ (եռացած)
- լիկյոր - 1ճ/գդ
- Կրեմի համար՝
- կաթնաշոռ - 500 գր (համասեռ, առանց գնդիկների)
- թթվասեր - 100 գր
- սերուցք 30-35% յուղայնությամբ - 250 մլ
- շաքարավազ - 1 բաժակ
- հաղարջ կարմիր - 100 գր
- Ձևավորման համար
- սերուցք 30-35% յուղայնությամբ - 200 մլ
- շաքարի փոշի - 1 ճ/գդ
- նուշ - 40 գր
- բալ
Պատրաստման եղանակ
- Պատրաստում ենք կրեմը. Սերուցքը հարում ենք մինչև կայուն փրփուր ստանանք: Մեկ այլ ամանի մեջ ենք լցնում կաթնաշոռը, շաքարավազն ու թթվասերը, հարում ենք անքան մինչև համասեռ զանգված ստանանք: Կաթնաշոռային զանգվածը խառնում ենք սերուցքի հետ և զգուշորեն գդալով խառնում ենք:
- Պատրաստում ենք ձևավորման համար նախատեսված հարած սերուցքը.
Սերուցքը հարում ենք մինչև փափուկ փրփուր ստանանք, այնուհետև ավելացնում ենք շաքարի փոշին, հարում ենք մինչև պինդ փրփուր ստանանք։
Պատրաստում ենք տորթը.
Ձվերն ու շաքարավազը հարում ենք մինչև պինդ փրփուր ստանանք՝ թանձր թթվասերի պես: Կարող ենք 5 րոպե հարել, 7 րոպե հանգիստ թողնել, և այսպես երեք անգամ կրկնում ենք:
- Աստիճանաբար ավելացնում ենք մաղած ալյուրը: Եթե ալյուրը միանգամից լցնենք գնդիկներ կառաջանան: Զգուշորեն թիակով խառնում ենք, որպեսզի խմորում առկա օդի պղպջակները չանհետանան:
- Խմորը լցնում ենք բուսայուղով պատված ձևամանի մեջ:
- Թխում ենք 30 րոպե` մինչև 180 աստիճան տաքացրած ջեռոցում: Թխվածքը ջեռոցից հանում ենք, կողաշրջում և հենում ենք պատին, որ սառչի: Եթե ձևամանից անմիջապես հանենք, տորթը կնստի: Սառելուց հետո տորթը ձևամանից հանում ենք և ութ ժամ հանգիստ թողնում: Ժամանակը լրանալուց հետո, բիսկվիթը հեշտությամբ երկու մասի կկիսենք:
- Պատրաստում ենք օշարակը. Վերցնում ենք խաղողի մուրաբայի օշարակը եռացրած ջրով բացում ենք, ավելացնում ենք լիկյորն ու խառնում: Օշարակը վրձնով ենք քսում:Երկու շերտերն էլ օշարակով փափկեցնում ենք.
Դնում ենք ներքևի շերտը, կրեմի կեսը լցնում ենք վրան, հավասարեցնում ենք և կարմիր հաղարջ լցնում (կարող է նաև սառեցված լինել):
- Ծածկում ենք երկրորդ շերտով և վրան ենք քսում կրեմի մնացած կեսը: Տորթի մակերևույթն ու կողքերը դանակի լայն սայրով հավասարեցնում ենք:
- Չոր թավայի մեջ ենք լցնում նուշն ու բովում ենք մինչև թեթևակի կարմրի:
- Տորթի կողքերը պատում ենք նուշի փաթիլներով։
- Սերուցքը լցնում ենք հրուշակեղենային պարկի մեջ և ձևավոր գլխադիրով սեղմում ենք տորթի վրա և բալով ձևավորում ենք:
- Խորհուրդ.
Սերուցքով տորթը լավ կլինի մատուցելուց առաջ ձևավորել:
Ահա այսպիսի համեղ բիսկվիթային տորթ կաթնաշոռային և սերուցքային կրեմով ։ Եթե նուշի փաթիլներ չկան, կարող ենք նուշ վերցնել և կտրատել