Tert.am–ը գրում է.
Ֆրանսիայի իշխանությունները պաշտոնական մեղադրանք են ներկայացրել Սալահ Աբդեսլամին: BBC-ի փոխանցմամբ` այս մասին հայտնել է նրա փաստաբան Ֆրանկ Բերտոնը:
Փարիզի նոյեմբերյան ահաբեկչության կազմակերպման գլխավոր կասկածյալին մեղադրում են սպանության, ահաբեկչական խմբավորումների հետ կապի, ինչպես նաև զենք և պայթուցիկներ պահելու մեջ:
Փաստաբանի խոսքով` Աբդեսլամը գտնվում է մենախցում:
Փարիզյան ահաբեկչությանը նրա մասնակցության գործով ևս մեկ դատական լսում կանցկացվի մայիսի 20-ին:
Աբդեսլամին Ֆրանսիա են արտահանձնել Բելգիայի իշխանությունները, որտեղ և ձերբակալվել էր վերջինս: