Հետսովետական որոշ երկրներ, անկախանալուց հետո, «Սովետական օկուպացիային» նվիրված թանգարաններ են բացել

02:33 , 23 ապրիլ, 2016
Հետսովետական երկրներ կան, օրինակ Ուկրաինան, Վրաստանը, Մերձբալթյան երկրները, որոնք կարողացել են իրենց մեջ ուժ գտնել արժևորել սեփական պատմությունը, և անկախացումից հետո ունեն «Սովետական օկուպացիայի» նվիրված թանգարաններ: Այդ երկրների քաղաքական էլիտաների և հասարակությունների մոտ սովետը երբեք չի ասոցացվել հայրենիքի հետ: Կարմիր բանակը նրանց ընկալումներում եղել է իրենց օկուպացնողը և նրանք վերջնականապես կարողացել են արմատախիլ անել սովետը իրենց մտածողությունից, ինչպես նաև ազատագրվել ռուսական կործանարար ազդեցությունից: Արդյո՞ք մենք արժևորում ենք սեփական պատմությունը: Վստահաբար շատ դեպքերում ոչ, հակառակ դեպքում մենք նույնպես կունենայինք սովետական օկուպացիայի մեր թանգարանը, դրանով իսկ հստակ դիրքորոշումը և գնահատականը ցույց տալով անցյալին: