Սաակաշվիլիին «սեքս» չէր կարելի, իսկ Մարգվելաշվիլիին կարելի՞ է


13:30 , 16 մարտ, 2016

Արդեն քանի օր է Վրաստանում չեն դադարում քննարկումները տեղի ունեցած սկանդալի հետ կապված: Խոսքը մի շարք նախկին պաշտոնյաների անձնական կյանքի որոշ դրվագների՝ գաղտնի նկարահանումների և այդ տեսանյութերի համացանցում տարածման մասին է: Ներկայում աշխատանքներ են ընթանում Վրաստանի հատուկ ծառայությունների կողմից՝ մեղավորներին հայտնաբերելու և գործը բացահայտելու ուղղությամբ:

Հետաքրքիրն այն է, որ իրավիճակը, կարծես, որոշակի փոխվել է Վրաստանում: Մասնավորապես նախագահ Մարգվելաշվիլին, ի պաշտպանություն գաղտնի տեսանյութերում հանդես եկող նախկին պաշտոնյաների, տեսաուղերձով դիմել է հանրությանը՝ հաղորդելով, որ յուրաքանչյուր մարդ իրավունք ունի ՛՛ունենա սեքս՛՛, և պնդել որ ինքը ՛՛բուռն՛՛ կյանքով է ապրում: Նշված հայտարարությունից հետո կարելի էր սպասել հասարակության քննադատություններին, սակայն դա տեղի չունեցավ:
Այս առումով իրոք փոփոխություններ են նկատվում, քանի որ նախկին նախագահ Սաակաշվիլին հաճախ քննադատվում էր հասարակության կողմից ՛՛սեքսի՛՛ համար: