Էրդողանը հայտարարել է, թե իրենց համբերությունը Սիրիայի հարցում կարող է սպառվել
16:22 , 11 փետրվար, 2016
Tert.am-ը գրում է.Թուրքիայի նախագահ Ռեջեփ Թայիփ Էրդողանը հայտարարել է, որ Անկարան Սիրիայի հարցում համբերատար կլինի մինչև որոշակի պահը, հայտնում է Reuters գործակալությունը։
Թուրք նախագահի խոսքով՝ թուրքական իշխանություններն այնուհետ կանցնեն գործողությունների։
Նա քննադատել է Եվրամիությանը փախստականների հարցով և սպառնացել ինքնաթիռներով ու ավտոբուսներով փախստականներին Եվրոպա ուղարկել։
Ավելի վաղ հաղորդվել էր, որ Թուրքիայի նախագահ Ռեջեփ Թայիփ Էրդողանը Ռուսաստանին մեղադրել է Սիրիայում մարդկանց զոհվելու համար։
Նրա խոսքով՝ Ռուսաստանն ու պաշտոնական Դամասկոսը մեղավոր են Սիրիայում 400 հազար բնակիչների մահվան համար։