Եկեղեցուն շատ կարելի է քննադատել, բայց ոչ այնպես, ինչպես դա անում է հուշարձանագետ Սամվել Կարապետյանը

17:09 , 7 փետրվար, 2016

Եկեղեցուն շատ կարելի է քննադատել, բայց ոչ այնպես, ինչպես դա անում է հուշարձանագետ Սամվել Կարապետյանը:

Կարդացի նրա հարցազրույցը. եթե անկեղծ նրա հնչեցրած մտքերի մեծ մասը մեղմ ժպիտ առաջացրեցին, մասնավորապես՝ նա մոնղոլական նվաճումները Հայաստանում կապում է Զաքարյան շրջանի եկեղեցաշինության հետ:

Այս ի՞նչ մտքի գոհարներ են, այս ի՞նչ փայլատակումներ են, պարզունակ, պրիմիտիվ, հակագիտական ձևակերպումներ:

Խնդիր չկա քննադատենք եկեղեցուն, բայց՝ ըստ պատշաճի և անհրաժեշտության, իսկ եթե խոսում ենք պատմական խնդիրների վերաբերյալ, ապա՝ հիմնավորված և ծանրակշիռ փաստարկներով:

Ես էլ աթեիստ եմ, ովքեր ինձ ճանաչում են հաստատ կիմանան, թե ինչպես եմ քննադատում եկեղեցուն, բայց հանդուրժե՞լ անգրագիտություն, երիցս ոչ:

Հասկանում եք, պատմությունը չի կարելի գնահատել սև ու սպիտակի կամ այո և ոչ-ի պարզունակ դաշտում, այնտեղ կան բազմաթիվ այոներ և բազմաթիվ ոչեր: