Երկրաշարժի հետևանքով Թայվանում 17-հարկանի շենքի փլուզման զոհերի թիվը հասել է 5-ի (տեսանյութ)
10:30 , 6 փետրվար, 2016
Tert.am-ը գրում է.
Թայվանի հարավում գտնվող Թայնան խոշոր քաղաքում 17-հարկանի շենքի փլուզման հետևանքով զոհերի թիվը հասել է 5-ի, հայտնում է Reuters գործակալությունը։
Փլուզումը 6.4 մագնիտուդ ուժգնությամբ երկրաշարժի հետևանք է։
Փլատակների տակից դուրս է բերվել 221 մարդ, շատերին տեղափոխել են հիվանդանոցներ։ Շենքում բնակվել է մոտ 250 մարդ, հայտնի չէ՝ որքանն են փլուզման պահին տանը եղել։
Հաղորդվում է, որ երկրաշարժի զոհերի ընդհանուր թիվն առնվազն 6 է, մոտ 380 մարդ հոսպիտալացվել է։
Ավելի վաղ հաղորդվել է, որ Չինաստանը Թայվանին օգնություն է առաջարկել երկրաշարժի հետևանքների վերացման գործում։