Կուբայում տեղի կունենա Հռոմի պապի և Պատրիարք Կիրիլի պատմական հանդիպումը

Tert.am-ը գրում է.

Հռոմի Ֆրանցիսկոս պապն առաջին անգամ կհանդիպի Ռուս ուղղափառ եկեղեցու ղեկավար պատրիարք Կիրիլի հետ։ Հանդիպումը կկայանա հաջորդ շաբաթ Կուբայում, հաղորդում է BBC-ն:

 

Հռոմի Ֆրանցիսկոս պապի և պատրիարք Կիրիլի հանդիպման կենտրոնական թեման կդառնա քրիստոնյաների հետապնդումը։ Այդ մասին հայտնել է Ռուս ուղղափառ եկեղեցին:

 

Ֆրանցիսկոս պապը Կուբա կայցելի Մեքսիկա ուղևորության ճանապարհին։ Դա կլինի իր տեսակի մեջ առաջին հանդիպումն այն բանից հետո, երբ 11-րդ դարում պառակտում առաջացավ քրիստոնեության ճյուղերի միջև։

 

Հանդիպումը տեղի կունենա Հավանայի օդանավակայանում, որտեղ երկու առաջնորդները համատեղ հռչակագիր կստորագրեն։