Հայաստանը՝ միջազգային փառատոնի մասնակից երկիր

Ի թիվս մի շարք երկրների՝ Հայաստանն այս տարի ևս կմասնակցի Սուրաջկունդում (Հնդկաստան) կայանալիք Սուրաջկունդի արհեստների 30-րդ միջազգային փառատոնին:
Հայաստանն այս տարի կներկայացնեն ազգային երաժշտական նվագարաններ պատրաստող վարպետ-երաժիշտ Միխայել Սադոևը, «Տերյան» մշակութային կենտրոնի տնօրեն, նկարիչ-դիզայներ Լիլիթ Մելիքյանը և գոբելենագործ Անուշ Եղիազարյանը:

Փառատոնի բոլոր օրերին հայկական տաղավարում կպատրաստվեն հայկական ավանդական երաժշտական գործիքներ, ձեռագործ և գոբելենագործ աշխատանքներ: Տաղավարում կհնչի հայկական ավանդական երաժշտություն: