ՓՄՁ մասնաբաժինը ՀՆԱ-ում կկազմի 40%
10:37 , 4 փետրվար, 2016Գաղտնիք չէ, որ փոքր ու միջին ձեռնարկատիրությունները գտնվում են իշխանությունների ուշադրության կենտրոնում: Դրա մասին են վկայում ինչպես աջակցություն ստացող ՓՄՁ-ների քանակային աճը, այնպես էլ նոր բացված ընկերությունների քանակի գերազանցումը փակված ընկերությունների թվին:
Վերը նշված ոլորտի ազատական աշխատանքն ու դրան աջակցություն ցուցաբերելն ամենօրյա խնդիր է: ՓՄՁ մասնաբաժինը ՀՆԱ-ում, որն այսօր 27-28 տոկոսի շուրջ է, գործադիրին չի բավարարում, և աշխատանքներ են տարվում 2018-ին այն հասցնել առնվազն 40 տոկոսի:
Հարկ է նշել նաև, որ գործադիրը ջանքեր է գործադրում` ստեղծելու բարենպաստ գործարար միջավայր, իրականացնել պակաս վարչարարություն, ապահովել արտաքին շուկաների հետ հաղորդակցվելու հնարավորություն և այլն: Բացի հիշյալ պայմաններից` կան ընկերությունների փակմանը նպաստող մի քանի տասնյակին մոտ գործոններ, որոնք այնքան էլ կախված չեն կառավարության գործողություններից: