Tert.am–ը գրում է.
ԱՄՆ-ի բնակիչներ Բո Ջոնսոնը և նրա ընկերը` Մեթյուն, փորձել են կինոթատրոն սողոսկել` երկուսով մեկ հագուստի տակ թաքնված:
Ամերիկացիների արտառոց մտահղացման իրագործմանն անդրադարձել է Boredpanda.com-ը: Տարբեր եղանակներ փորձելով` նրանց հաջողվել է գտնել այն հարմար դիրքը, որով իրենց չէին կասկածի:
Վերջիններս տեսագրել են իրենց ջանքներն ու տեսանյութը տեղադրել Youtube-ում, և այն մի քանի օրում ավելի քան 1.3 մլն դիտում է ունեցել:
Նրանց, իհարկե, չի հաջողվել հասնել կինոսրահ, քանի որ կինոթատրոնի աշխատակիցները բացահայտել էին երիտասարդների հնարամտությունը: