Սարկավագական ձեռնադրություն Մայր Աթոռ Սբ. Էջմիածնում

Դեկտեմբերի 25-ին Մայր Աթոռ Սբ. Էջմիածնում մեծ հանդիսավորությամբ նշվեց Սբ. Ստեփանոս Նախավկայի և առաջին մարտիրոսի հիշատակը, որը համարվում է նաև սարկավագների տոնը: Տոնի առիթով Մայր Աթոռ Ս. Էջմիածնում մատուցվեց Ս. Պատարագ, որի ընթացքում Գևորգյան Հոգևոր ճեմարանի 33 սաներ, ինչպես նաև Արարատյան Հայրապետական թեմի և Տավուշի թեմի երկու սպասավորներ ձեռնադրվեցին սարկավագներ:
Այսօր Մայր Աթոռ Սուրբ Էջմիածինն ունի 157 սարկավագներ, որոնցից 95-ը` միաբանության շարքերում, իսկ 62-ը` Գևորգյան հոգևոր ճեմարանում: