Տանձով կարկանդակ՝ «Tarte Tatin»
09:05 , 1 դեկտեմբեր, 2015Բաղադրիչներ
- Տանձերի կարամելացման համար՝
- տանձ - 6 հատ
- շաքարավազ - 180գր
- ջուր - 100մլ
- ընկույզ - 50գր
- Խմորի համար՝
- ալյուր - 330գր
- շաքարավազ - 170գր
- կարագ - 170գր
- ձու - 3 հատ
- կաթ - 100մլ
- փխրեցուցիչ - 1թ/գդ
- վանիլին - 15գր
- կիտրոն - 1/2թ/գդ (կեղև)
- աղ - 1 պտղունց
Պատրաստման եղանակ
- Լվանում և կտրատում ենք տանձերը 3-4մմ շերտերով:
Տապակի մեջ լցնում ենք շաքարավազն ու ջուրը, դնում թույլ կրակի վրա և եփում մինչև զանգվածի ոսկեգույն դառնալը (չենք խառնում զանգվածը), ապա ավելացնում ենք կտրատված տանձերը և տապակում 2 րոպե յուրաքանչյուր կողմից մինչև տանձի փափկելը:
- Ձևամանը (20սմx20սմ) պատում ենք պերգամենտային թղթով: Ձևամանի հատակին ու կողքերը շարում ենք տապակած տանձերն այնպես, որ արանքներ չմնան, ապա լցնում ենք ընկույզը:
- Խմորի համար առանձին ամանի մեջ հարում ենք կարագն ու շաքարավազը, ապա ավելացնում ենք ձուն, վանիլինը, քերիչով անցկացրած կիտրոնի կեղևն ու աղը և կրկին հարում:
Ապա ավելացնում ենք ալյուրը, փխրեցուցիչ, կաթը և խառնում, մինչև ստացվի միատարր զանգված:
- Ստացված խմորը լցնում ենք տանձով պատած ձևամանի մեջ, վրան զարդարում մնացած տապակած տանձերով ու թխում ջեռոցում 40-45 րոպե 180 աստիճանում:
- Պատրաստի թխվածքը հանում ենք ջեռոցից, թողնում 5 րոպե, ապա շրջում ենք ձևամանն ափսեի մեջ, հանում պերգամենտային թուղթը, թողնում, որ թխվածքը սառչի և մատուցում:
Խորհուրդ. որպեսզի տանձով կարկանդակի բիսկվիթը լավ բարձրանա, խմորի բոլոր բաղադրիչները պետք է լինեն սենյակային ջերմաստիճանի: