Երբեք ուժեղն ուժեղից չի խլել ու տվել թույլին

Չեմ կարողանում հասկանալ բոլոր այն մարդկանց, ովքեր հույս են տածում, թե Ռուսաստանի և Թուրքիայի հարաբերությունների լարվածությունը կարող է հանգեցնել մեր հողերի վերադարձին: Ժիրինովսկին մի հերթական հիմարություն է ասել, մենք էլ սկսել ենք ուրախանալ, թե հողերի վերադարձ կարող է լինել: Երբեք, աշխարհի պատմության մեջ երբեք չի եղել մի դրվագ, երբ ուժեղն ուժեղից խլել ու տվել է թույլին: Արևմտյան Հայաստանի կամ կորուսյալ Հայրենիքի վերադարձը Երազը կարող է գոյություն ունենալ միայն այն ժամանակ, երբ Հայաստանի Հանրապետությունը գոնե մոտավոր պատկերացում կունենա, թե ուր ենք գնում մենք, և ինչպիսի երկիր ենք ցանկանում ունենալ գոնե տաս տարի հետո: Առանց տեսլական, աննպատակ, անատամ ու մսխող այս վիճակը, սպառող կառավարությունը, մտավորականներից ձերբազատվող երկիրն Արևմտյան Հայաստանի մասին երազելու անգամ իրավունք չունի այնքան ժամանակ, քանի դեռ չի ձևավորել նպատակ...