Օրվա բաղադրատոմսը. կուլեբյակա
09:06 , 27 նոյեմբեր, 2015Բաղադրիչներ
- պատրաստի շերտավոր խմոր - 1կգ
- հավի ֆիլե - 200գր (խաշած)
- սունկ շամպինիոն - 200գր
- բրինձ - 200գր
- ձու - 6 հատ (խաշած)+ 1 դեղնուց
- սոխ - 1 հատ
- ձիթայուղ - 100գր
- նրբաբլիթ - 15 հատ (պատրաստի)
- սոուս բեշամել - 200մլ
Պատրաստման եղանակ
- Կտրատում ենք սոխն ու սունկը և տապակում ձիթայուղի մեջ:
Խաշում ենք բրինձը և թողնում, որ սառչի: - Բզկտում ենք խաշած հավի միսը և խառնում սոուս բեշամելի հետ:
- Պատրաստի խմորը բաժանում ենք երկու մասի՝ մեծ և փոքր: Մեծ մասը դնում ենք ձևամանի մեջ, ապա վրան դնում ենք 2-3 նրբաբլիթ, վրան լցնում խաշած բրինձը, կրկին վրան դնում ենք 2-3 նրբաբլիթ ու վրա լցնում ենք մանր կտրատված խաշած ձուն:
Ծածկում ենք խաշած ձվի շերտը 2-3 նրբաբլիթով, ապա վրան լցնում ենք հավի միսը սոուսի հետ ու կրկին ծածկում 2-3 նրբաբլիթով: Ապա վրան լցնում ենք տապակած բանջարեղենը, վրան ծածկում 2-3 նրբաբլիթով և փակում ենք կարկանդակը խմորի փոքր մասով:
Կարկանդակի երեսը քսում ենք հարած դեղնուցը, ծակծկում պատառաքաղով մի քանի տեղից և դնում ջեռոցը 30 րոպեով 180 աստիճանում:
- Պատրաստի թխվածքը հանում ենք ջեռոցից և մատուցում:
Համեղ և կշտացնող կուլեբյական կարող է դառնալ ընթրիքի ալտերնատիվ տարբերակը: Այն համեղ է և՛ տաք, և՛ սառը վիճակում: