ԱՄՆ-ը ԵՄ երկրներին կոչ է արել փոխել օրենքը, որպեսզի ձերբակալվեն ԴԱԻՇ-ին անդամագրվողները
08:50 , 26 նոյեմբեր, 2015
ԱՄՆ արդարադատության նախարարությունը եվրոպական կառավարություններին առաջարկություն է հղել այն մասին, թե ինչպես կարելի է փոխել հակաահաբեկչական օրենսդրությունը, որպեսզի օրինականացվի ապագա գրոհայինների ձերբակալումը մինչ նրանց` ԴԱԻՇ-ի նման արմատական խմբավորումներում ներգրավվելը: Այս մասին հաղորդում է Reuetrs գործակալությունը:
Փաստաթղթում ասվում է, որ ԱՄՆ-ը կոչ է արել որպես հանցագործություն որակել ԴԱԻՇ-ի վերահսկողության ներքո գտնվող շրջաններ մեկնելը կամ իշխանությունների կողմից ահաբեկչական ճանաչված խմբավորումներին անդամակցելու փորձը: «ԱՄՆ-ում նման մոտեցումն ապացուցել է իր արդյունավետությունը օտարերկրյա գրոհայինների մեկնելուն հետևելու հարցում»,- ասվում է փաստաթղթում: