Հոգեհանգիստ Երուսաղեմի Հայոց Պատրիարք Տ. Թորգոմ արք. Մանուկյանի համար

Lragir.am-ը գրում է.

Հոկտեմբերի 11-ին Մայր Աթոռ Սուրբ Էջմիածնում մատուցվեց Սուրբ և Անմահ Պատարագ: Պատարագիչն էր Գևորգյան հոգևոր ճեմարանի տեսուչ Տ. Գարեգին վարդապետ Համբարձումյանը:

Երուսաղեմի Հայոց Պատրիարք հոգելույս Տ. Թորգոմ արքեպիսկոպոս Մանուկյանի մահվան 3-րդ տարելիցի առիթով Հայր Սուրբն իր քարոզում հրավիրեց ներկաներին աղոթքով հիշել Հայ Եկեղեցու նվիրյալ սպասավորին:

Ս. Պատարագի ավարտին կատարվեց մասնավոր հոգեհանգստյան արարողություն երջանկահիշատակ Թորգոմ Պատրիարքի հոգու խաղաղության համար: