Հայաստանն ամենացածր հարկային դրույքաչափով երկրների շարքում վերջին տեղում է. Ukrnews24.net
15:42 , 7 հոկտեմբեր, 2015
Ukrnews24.net-ը ներկայացրել է աշխարհի ամենացածր հարկահավաքությունն ունեցող երկրների շարքը։ ԱՄՀ-ի տվյալներով՝ այն երկրները, որոնցում հարկի դրույքաչափը կազմում է 10 տոկոսից էլ պակաս, ունեն հիանալի հիմք՝ բիզնեսի զարգացման համար։
Ըստ հաջորդականության՝ վարկանիշում հայտնվել են հետևյալ երկրները. Մակեդոնիա՝ 7.4 տոկոս, Կատար՝ 11.3 տոկոս, Քուվեյթ՝ 12.8 տոկոս, Բահրեյն՝ 13.5 տոկոս, Լեսոթո՝ 13.6 տոկոս, Սաուդյան Արաբիա՝ 14.5 տոկոս, Զամբիա՝ 14.8 տոկոս, ԱՄԷ՝ 14.8 տոկոս, Վրաստան՝ 16.4 տոկոս, Սինգապուր՝ 18.4 տոկոս, Խորվաթիա՝ 18.8 տոկոս, Լյուքսեմբուրգ՝ 20.2 տոկոս, Հայաստան՝ 20.4 տոկոս։
Հայաստանի մասով նշված է, որ թեև երկիրն ունի հարկահավաքման բավական պարզ համակարգ, սակայն դրա հետ մեկտեղ բախվել է հարկերի հավաքման խնդիրների։