Tert.am-ը գրում է.
Ներկայիս Թուրքիայի արևելյան հատվածում` Վան նահանգում է գտնվում երկրի ամենահայտնի հնագիտական հուշարձաններից մեկը` ուրարտական Հայկաբերդ ամրոցը, որն անցած 53 տարվա ընթացքում առաջին անգամ հայտնվել է «զբոսաշրջային վատագույն ճգնաժամի» մեջ։
Ինչպես նշում է hurriyetdailynews.com կայքը, մինչ 2015թ. Հայկաբերդը տարեկան ունեցել է 30.000 այցելու, մինչդեռ այս տարի այն տեսնելու է եկել ընդամենը 1.500 մարդ։
Կառույցի պահակը, ով կես դարից ավելի է՝ աշխատում է նույն վայրում, պատմել է, որ զբոսաշրջիկների այցելություններն այնքան են քչացել, որ ինքն անընդհատ պարապ է։
Աղբյուրը մանրամասնում է, որ նման իրավիճակը ստեղծվել է այն պատճառով, որ վերջին շրջանում Թուրքիան կրկին հայտնվել է ահաբեկիչների թիրախում, ինչը, բնականաբար, վանում է զբոսաշրջիկներին։