Tert.am-ը գրում է.
Ռուսաստանի ցամաքային զորքերը չեն մասնակցելու Սիրիայի տարածքում ցամաքային գործողությունների։
Ինչպես տեղեկացնում է gazeta.ru-ն, այդ մասին լրագրողներին հայտնել է ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը։
«Ցանկանում եմ հատուկ ընդգծել, որ Սիրիայի տարածքում ցամաքային գործողություններին ռուսական զինվորական ստորաբաժանումների մասնակցություն չի նախատեսվում»,- հայտարարել է պաշտոնյան։
Ավելի վաղ ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը հայտարարել էր, որ պարտադիր զինվորական ծառայություն անցնողները չեն մեկնելու Սիրիա՝ կռվելու։