Tert.am-ը գրում է.
Տավուշի մարզպետարանի Գյուղատնտեսության և բնապահպանության վարչության պետ Վաղարշակ Սուքոյանի տվյալներով մարզի սահմանամերձ գյուղերում խաղողի բերքը չհավաքելու խնդիր չկա, բացառությամբ Այգեհովիտ գյուղի:
«Միայն Այգեհովտում է, որ բերքը չեն կարողացել հավաքել, քանի որ այնտեղ դաշտերը գտնվում են ուղիղ ադրբեջանական դիրքերի նշանառության տակ»,- Tert.am-ի զրույցում ասաց Վաղարշակ Սուքոյանը՝ ավելացնելով, որ հարցը, թե փոխհատուցման համար դիմելո՞ւ են կառավարություն, դեռ անորոշ է:
«Կամաց-կամաց հավաքում ենք, ահագին ժամանակ կա դեռ, եթե չկարողանան, նոր հարցը կքննարկվի»,-ասաց մարզպետարանի աշխատակիցը: