Չիլի պղպեղը պաշտպանում է քաշի ավելացումից
10:10 , 5 սեպտեմբեր, 2015
Ավստրալացի գիտնականները՝ Ադելաիդայի համալսարանից, պարզել են, որ կծու սնունդն օգնում է ավելի երկար ժամանակ կուշտ զգալ՝ պաշտպանելով շատ ուտելուց և քաշ հավաքելուց: Այս մասին հաղորդում է Kedem-ը:
Նոր հետազոտությունը ցույց է տվել, որ կապսաիցինը՝ նյութ, որը չիլի պղպեղին կծվություն է հաղորդում, խթանում է ազդակները, որոնք ուղեղին հագեցվածության ազդանշաններ են ուղարկում, և կանխում է շատակերությունը: Մասնավորապես, խոսքը TRPV1 ռեցեպտորի մասին է, որի հեռացումը հանգեցնում է այն բանին, որ մարդիկ սկսում են անվերահսկելիորեն ուտել:
Այսպիսով՝ սննդակարգում չիլի պղպեղի հավելումը կարող է դադարեցնել ճարպակալման գործընթացը: