Բրիտանական քաղաքում սարսափ ֆիլմերից հայտնի ծաղրածու է հայտնվել (լուսանկարներ)
02:43 , 27 օգոստոս, 2015Բրիտանական Նորթհեմփթոն քաղաքի բնակիչներից ոչ ոք չգիտի, թե ով է այս ծաղրածուն, ինչ է նրա անունն, ու որն է նպատակը։ Խեղկատակի վախեցնող կերպարով այս կասկածելի տղամարդու մասին նույնիսկ ոստիկանությանն են հայտնել, բայց նա առաջվա պես շարունակում է թափառել փողոցներով և իր սահմռկեցուցիչ արտաքինով սարսափի մեջ պահել քաղաքի բնակիչներին։
Մթնշաղին այս կարմիր կիսաճաղատ կեղծամով, լայն ժպիտով, կարմիր քթով ու սև հոնքերով ծաղրածուի հայտնվելն ուղղակի սարսափեցնում է բնակիչների մեծ մասին։
Նորթհեմփթոնյան ծաղրածուն նույնիսկ սեփական հաշիվն է բացել Facebook սոցիալական ցանցում։ Նրա էջում օգտատերերը տարատեսակ հարցեր, կատակով մեկնաբանություններ են գրում, ինչպես նաև լուսանկարներ տեղադրում, որոնք ապացուցում են նրա գոյության փաստը։
Դատելով անձամբ ծաղրածուի թողած մեկնաբանություններից՝ այն, ինչ նա ուզում է, նկատված լինելն է։ Ինչպես նաև նա կարծում է, որ իր հանդեպ ավելի շատ ատելություն են տածում, քան սեր։
